Гайнетдиновалар гаиләсендә мәхәббәт, хөрмәт һәм хезмәт яши

 Беренче көннәреннән үк коллективның хөрмәтен яулады. Дәресләрдә тырыш, актив. Киңәшләрен бирә, рецептлары белән дә уртаклаша ул. Безне тәмле камыр ризыклары белән сыйларга ярата.

“Фәридәне никадәр якынрак белгән саен, аның яхшы күңелле булуына күбрәк инанасың, - ди аның турыда клуб җитәкчесе Нина Мусина. - Аралашучан, ярдәмчел, гади һәм бәхетле кеше ул. Гаиләсе һәм йорты  - аның тормыш нигезе”.

 Гайнетдиновалар гаиләсендә мәхәббәт, хөрмәт һәм хезмәт яши. Аларга кунакка килгәндә, йортларында игътибарлылык, игелеклелек сизелә. Алар бердәм, барысын да бергә эшлиләр. Фәридә, аның кызы Гөлнара һәм оныгы Азалия белән без бакча күзәтеп кердек.  Алар һәр чәчәк, түтәл, куак һәм җиләк-җимеш агачлары турында барлык нечкәлекләрен сөйләделәр. Бакчада барысы да тәртиптә – өй каршы бакчасында пионнар һәм дельфиния, лилия, флокслар чәчәк ата. Түтәлләрдә кишер һәм чөгендер үсеп утыра. Ә парникларда виктория җиләге өлгерә, кавын һәм карбыз, помидор һәм кыяр, көнбагыш һәм ташкабаклар үсеп килә. Һәркайда хуҗабикә кулы сизелә. Чатыр (беседка) тирәсендә виноград, ә янәшәдә генә төрле әкият фигуралары белән әйләндереп алынган кечкенә күл. Ире Рәшит аны үзе ясаган. Җәен биредә көенырга, кичләрен гаилә белән өстәл артында җыелып утырырга була. Бәйрәм һәм ял көннәрендә кунакка олы кызлары Гөлназ белән Гүзәл киләләр. Алар Казанда яши һәм эшлиләр. “Биредә без шашлык пешерәбез, чәй эчәбез, планнарыбыз һәм эшләребез турында фикер алышабыз", - дип сөйләде Фәридә.

Алар тавык-чебеш, кечкенә куяннарны да асрыйлар. Фәридә барысына да ничек өлгерә соң? "Ярдәмчеләрем яхшы, - дип горурланып карый ул Рәшидә, аның кызы һәм оныгына. Һәм барысы бергә елмаялар. - Рәшит күршеләренә дә ярдәм итәргә өлгерә".

Дәвамы газета битләрендә.

Светлана Кутлина.фото автордан.