Районыбыз биләмәсендә фермерларыбыз саны артып тора

Эшлим дип күңелен биреп тырышып йөрүчеләргә бүген барлык мөмкинлекләр дә бар. Бары тик иренмәскә, хезмәт темпын сүрелдермәскә генә кирәк. Авыл җирләрендә йөзәрләгән баш терлекләр асраучыларга, мөгаен, күпләр ак көнләшү белән акчаларын  кая куя икән алар, дип сокланып карыйлардыр. Без андый нык кызыксынучан райондашларга төгәл җавабын таптык кебек. Бу ел дәвамында фермерларыбыз барысы 282 миллион сумлык авыл хуҗалыгы техникалары, тракторлар сатып алганнар. Аларның күбесе әле яңа, заводтан кайтарылган.