Авыл офыклары
  • Рус Тат
  • Илназ Баһның якын дусты вафат булган

    Аңа нибары 37 яшь булган

    Татарстанның атказанган артисты Илназ Баһның якын дусты фаҗигале төстә вафат булган. Илназ мәрхүм дусты Иреккә багышлап “Бер күрешү үзе бер гомер” җырын башкарды. Көен үзе иҗат иткән, сүзләрен Радик Муслухов язган.

    “Бүген бик авыр көн булды, дуслар. Бик яшьли арабыздан якын дустым Ирек Рөстәм улы фаҗигале рәвештә көтмәгәндә, уйламаганда бакыйлыкка китеп барды.

    Ярдәмчел, туган җанлы, дус җанлы иде, гади кешеме, баймы - бертигез күрде. Рәхәтләнеп бии, җырларга ярата иде, күңеле киң, йөрәге зур иде аның.

     

    Реклама

    Әти-әнисе, тормыш иптәше, абый-энеләре, барча якыннарына сабырлык телим. Бик авыр, бииик авыр кайгы...

    Урыннарың җәннәт түрләрендә булсын, Ирек дус”, - дип язган Илназ.

    Безгә билгеле булганча, Ирекне бассейнда ток сугып үтергән. Аңа нибары 37 яшь булган, ике баласы калган. Якыннарының авыр кайгысын уртаклашабыз

    Тулырак: http://agryz-rt.ru/news/trda-milli-proektlar/ilnaz-bany-yakyn-dusty-lgn-yrge-zur-ide-any

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама