Авыл офыклары
  • Рус Тат
  • Балык Бистәсе мәктәпләре укучылары өчен соңгы кыңгырау яңгырады.

     24 май көнне Котлы Бөкәш мәктәбендә соңгы кыңгырау чыңлады.

     Әлеге мәктәп өчен бу 85 нче чыгарылыш. Юбилей елында 11 нчы сыйныфның 12 укучысы һәм 9  нчы сыйныфның 26 укучысы чыгарыла, 2 укучы алтын медальгә дәгъва кыла.  Бүгенге көндә биредә 169 укучы белем ала. Мәктәпнең матди-техник яктан яхшы тәэмин ителеше бар, кабинетлар заманча мультимедиа техникасы белән җиһазландырылган, бу белем бирү программаларын тулысынча тормышка ашырырга мөмкинлек бирә. 2019 елдан башлап мәктәптә «Мәгариф» милли проектының «Заманча мәктәп» федераль проекты тормышка ашырыла («үсеш ноктасы»).
     Тантаналы чарада район башлыгы Илдар Таҗетдинов, район суды рәисе Евгений  Рябин, мәгариф бүлеге начальнигы Илсур Садыйков, Татарстан республикасы мәгариф министрлыгы вәкиле Айсылу Зыятдинова, Котлы Бөкәш авыл җирлеге башлыгы Рәшит Нәҗипов һәм район кулланучылар җәмгыяте рәисе Раил  Бариев катнашты. Район башлыгы чыгарылыш сыйныф укучыларын соңгы кыңгырау көне белән котлады. "Алда сезне чыгарылыш имтиханнары һәм олы тормышыгызга керү сынаулары көтә. Сезгә уңышлар телим. Хыялларыгызга ирешегез. Чигенмәгез, көрәшегез», - диде ул үзенең мөрәҗәгатендә. 
    Чыгарылыш сыйныф укучылары үзләренең беренче укытучылары Рәфидә Фәтхетдинова, Миләүшә Әхмәтханова, Резидә Хәмидуллинага рәхмәт сүзләрен җиткерделәр. "Сез безне укырга өйрәттегез, безгә чын кешеләр булырга этәргеч бирдегез. Сез балачагыбызны матур гына түгел, эчтәлекле, файдалы да итә алдыгыз. Өлкәннәрне хөрмәт итәргә, кечкенәләрне якларга, кешеләр белән аралашырга өйрәттегез. Без сезгә бик рәхмәтле!”.
    Бәйрәм чарасы күңел күтәренкелеге белән тулы иде, Чыгарылыш сыйныф укучылары дулкынландыргыч җыр башкардылар һәм традицион рәвештә вальс һәм күңелле флешмоб биеделәр. Сыйныф җитәкчеләренә, ата-аналарга һәм мәктәпкә рәхмәт сүзләрен җиткерделәр.  
    «2011 елның 1 сентябрендә ак бантиклы, ак алъяпкыч кигән нәни кызлар, кара чалбар һәм ак күлмәкле шук малайларның тәүге тапкыр мәктәпкә укырга килгәнен хәтерлим. Укучылар өчен дә, безнең өчен дә вакыт сизелмичә үтеп китте. Бүген сез олы тормыш бусагасында басып торасыз. Ышанычны аклагыз, максатларыгызга җитегез",- дип сәламләде укучыларны мәктәп директоры Нәкыйф Юнысович. 
     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама