Авыл офыклары
  • Рус Тат
  • Илсөя Бәдретдинова: «Сөйлә дияргә курка идем...»

    Җырчының инстаграмында мәгънәле постлар сирәк түгел, ул тормышта еш очрый торган темаларны күтәрә. Әмма Илсөя кызыклы постлардан да баш тартмый: үз-үзеннән дә көлергә курыкмый, тормыштагы булган көлке хәлләрен рәхәтләнеп сөйли. Соңгы постында ул нәкъ шундый очрак белән уртаклашты.

     «Бәләкәй чакта, әни миңа әкият сөйли иде. «Яшәгән ди,булган ди әби белән бабай. Сарайларының башы сумала белән япкан булган икән...Шунда саескан килеп кунган да...башын алса койрыгы ябыша икән, коерыгын алса башы ябыша икән...башын алса,койрыгы...койрыгын алса башы...башы...койрыгы...койрыгы...башыыы...». Ааааааааа... «Әнииии,туйдым инде бу саесканнан», – дип елый идем. Әни мәрхүмкәем үзе йоклый, үзе дәвамын сөйли...«Тагын...тагын ул әби белән бабайның келәтләре булган. Келәтләре булган ди таштан. Сөйлимме яңа баштан? Келәтләре таштаааааан...сөйлимме баштан?». Сөйлә дияргә курка идем. Чөнки тагын теге саесканны сөйли башлый».

    Менә шундый ихлас күңелле ул, яраткан җырчыбыз! Бәлки, гадилеге белән тамашачыны яулыйдыр да инде. Ә Сез нинди әкиятләр беләсез?

    Автор: Г. Вәлиева.

    http://www.sahne.ru/kheberler/12971.html

    tatar-inform.ru

    Нравится
    Поделиться:
    Реклама