Авыл офыклары
  • Рус Тат
  • Балык бистәсендәге күп катлы йортларда яшәүчеләр коммуналь хуҗалык җитәкчеләреннән ишегалларын чистартуны сорый

    2021 ел республикабызга буранлы, салкын чын кыш алып килде.

    Балык Бистәсе районы юлларында, ишегалларында кар көртләре хасил булды. Мондый очракта районыбызның күпкатлы йорт фатирларында яшәүчеләргә нишләргә? Ачыкларга тырышыйк.
    Һава торышы начарайган чорда күп катлы йортларда яшәүчеләр коммуналь хезмәтләргә ишегалларын кардан чистарту үтенече белән мөрәҗәгать итә башлаган, әмма коммуналь хезмәтләр барлык ишегалларына да түгел, ә бистәнең урам челтәрендә булган кешеләргә генә хезмәт күрсәтә икән.
    Балык Бистәсе коммуналь хезмәте вәкилләре сүзләренә караганда, халык җыеннарында ишегалларын кардан чистарту мәсьәләсе буенча фикер алышканнар һәм күп фатирлы йортларда яшәүчеләрнең күбесе коммуналь хезмәтләр күрсәтүдән баш тартканнар. Шулай итеп, аларның йортлары бистәнең урам челтәренә кертелмәгән, димәк, хәзер алар үзләренең ишегалды территорияләрен кардан чистарту һәм аларда тәртип урнаштыру өчен мөстәкыйль рәвештә җавап бирәчәкләр.
    Ишегалды территорияләрендәге кар чистарту мәсьәләсенең ничек торганын ачыклау өчен шәһәр җирлеге башкарма комитетына мөрәҗәгать итәргә мөмкин.
    Күптән түгел район мәдәният йорты хезмәткәрләре яхшы башлангыч күрсәтеп коммуналь хезмәткәрләрен көтеп тормыйча, мәдәният ветераннарының, өлкән яшьтәге хезмәттәшләренең ишегалларын кардан чистарттылар. Әлеге инициативага кушылу беркемгә дә комачау итмәс иде. - Әйдәгез, бергәләп бистәбезне чистар һәм матур итик!
    Мөрәҗәгать итү өчен телефон: 23-416.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама