Балык Бистәсенә Марат Җәббаров килде

Иң элек ул муниципаль район башлыгы Илдар Таҗетдинов белән урыннарда кыр эшләренең барышы белән танышып чыкты. Аннан соң алар “Кама-Агро” хуҗалыгының борчак кыры янәшәсендәге аланлыкта хуҗалык җитәкчеләре, авыл җирлекләре башлыклары һәм фермерларыбыз белән кыр эшләренең барышы, көзге чәчү һәм терлек азыгы запасы туплау хакында җылы әңгәмә кордылар. Әңгәмә барышында министр әле күптән түгел генә робот ярдәмендә сыер саву буенча грантка ия булган фермер Александр Григорьевтан  эшләре хакында кызыксынды, нинди ярдәм кирәклеге турында сорады һәм аңа күрше райондагы фермер янында булып тәҗрибә уртаклашырга киңәш итте.