Балык Бистәсенең «Мишутка» балалар бакчасында янгын куркынычсызлыгы күнекмәләрен формалаштыру максатыннан өйрәнү-күнекмә эвакуациясе узды

 .
12 сентябрьдә 9.45 сәгатьтә хәвефле төймә сигналы буенча балаларның балалар бакчасы территориясенә чыгу оператив оештырылды. Балалар бакчасы хезмәткәрләренең ачык күрсәтмәләре ярдәмендә барлык балалар һәм хезмәткәрләр исән-сау эвакуацияләнде. Тәрбиячеләр тарафыннан балалар исемлеге буенча тикшерү үткәрелде, аннан соң балалар бакчасы мөдиренә хәбәр ителде. Эвакуация вакытында персонал барлык гамәлләрне дөрес башкарды.
Профилактик эш балалар иминлегендә һәм аларның сәламәтлеген саклауда зур роль уйный. Янгынга кагышылы өйрәнүләр, гадәттән тыш хәлләрне булдырмау һәм бинадан куркынычсыз эвакуацияләү буенча уен ситуацияләрен модельләштерү ел дәвамында даими үткәрелә. Хәтта иң нәни балалар да курыкмый, үзләрен дисциплиналы, тәртипле, педагог әйткәннәрнең барысын да тиз башкаралар.
Мондый профилактик чаралар үткәрү гадәттән тыш хәлләр барлыкка килү ихтималын киметергә ярдәм итә, персоналның белемен тиешле дәрәҗәдә саклый һәм балалар бакчасында булганда балаларның саклану дәрәҗәсен күтәрә, чөнки мәктәпкәчә белем бирү учреждениесенең төп бурычларыннан берсе – белем бирү процессында катнашучыларның иминлеген тәэмин итү. Шуңа күрә баланы гадәттән тыш хәлдә сак булырга, курыкмаска, тыныч, ләкин шул ук вакытта тиз булырга өйрәтү мөһим. Әлбәттә  инде, олылар янында булу, аларның нәрсә әйткәнен тыңлау һәм үтәү кирәк. 
Янгын вакытында исән-сау калыр өчен, аңа әзер булырга кирәк.

Светлана Кирюшова,
инглиз теле укытучысы.