Балык Бистәсендә яшәүче кадерле әниебез Рәйхана Габделбәр кызы Иминованың 26 декабрь көнне күркәм юбилее.

Балык Бистәсендә яшәүче кадерле әниебез Рәйхана Габделбәр кызы Иминованың 26 декабрь көнне күркәм юбилее.

 Кадерлебез!  Сине юбилеең белән кайнар котлыйбыз. Син, безнең өчен һәрчак олы җанлы, киң күңелле кеше, таянычыбыз, ышанычыбыз. Җир йөзендә әнидән дә якын, мәхәббәтле, олы җанлы зат юктыр. Дөньяның рәхәтен, күңелнең сафлыгын аңларга өйрәтүче, үз җаны аша уздырып, Иман иңдерүче әни. Син булмасаң тормышыбызның яме дә, тәме дә булмас иде. Күңелеңдәге җан җылысының нуры сүнмичә, сүрелмичә без - балаларыңа, оныкларыңа яшәеш чыганагы булып торуыңны телибез. Гел шулай көләч, ягымлы бул, әтиебез белән безне сөендереп озын гомер кичерүегезне телибез.  Аллаһының мең рәхмәте яусын сиңа, әни.

Гаиләбез ныклы булсын өчен,

Синең җылы, синең наз кирәк.

Синдә генә, бары синдә генә,

Барсын сыйдыручы зур йөрәк.

 Иң изге теләкләр белән: тормыш иптәшең, балаларың Ләйсән – Рәнис, Искәндәр – Гөлнара, оныкларың. Бу теләкләргә барлык якыннар да кушыла.