29нчы майда Виталий Константинович Волковның күркәм юбилее

Балык Бистәсе үзәк хастаханәсендә озак еллар табиб-хирург булып эшләгән, төбәгебездә, чын мәгънәсендә, халык табибы булып танылган шәхес Виталий Константинович ВОЛКОВны белмәүчеләр юктыр. Олуг хөрмәт-ихтирамга лаеклы әлеге табибның 29 нчы майда күркәм юбилее.

Гиппократ антына гомер буе тугрылык саклаган, чит кайгыга битараф булмыйча, кешелеклелек сыйфатларына гына ия булган хөрмәтле Виталий Константинович! Сезне юбилеегыз белән  чын күңелдән котлыйбыз! Сезгә нык сәламәтлек телибез. Сәгатьләр буе операция өстәле артында басып торулар, йокысыз төннәр, эчке кичерешләр, кызганычка каршы, эзсез узмыйлар. Гаилә бәхете, җан тынычлыгы сезгә! Пациентларыгызның олы рәхмәтен, тирән ихтирамын, күңел җылысын тоеп гомер итегез!

Иң изге теләкләрдә: Зөфәр-Зөбәрҗәт Фәйзрахмановлар гаиләсе.
Балык Бистәсе.