Гаепләмә

17.04.2018 14:43 | Җәмгыять Печать

Гаепләмә

Гаепләмә тормышымны:
Алай да, болай тиеш…
Күзләремә генә карап,
Башта хәлемне белеш.

Ки дә минем башмагымны,
Минем юлдан чыгып чап.
Мин абынган ташка абын,
Егылып тезеңне канат.

Мин кичергән сагышларны
Салып куй йөрәгеңә.
Мин йоткан күз яшьләрен
Тәмләп кара үзең дә.

Шул юлларны узып беткәч,
Кабат миңа килерсең.
Ничек яшәргә икәнен,
Шунда менә белерсең.

Чулпан Галиева

 

http://kazanutlary.ru/?p=43595

фотоloveandstory.ru


Будь в курсе последних событий! Читай tatmedia.ru


Добавить комментарий


Защитный код
Обновить

В Республике